17 May, 2020 08:03:52 AM
തമിഴ്നാട്ടിൽ കോവിഡ് ബാധിതരുടെ എണ്ണം 10,000 കടന്നു; മരണസംഖ്യ 74 ആയി
ചെന്നൈ: തമിഴ്നാട്ടിൽ കോവിഡ് ബാധിതരുടെ എണ്ണം 10,000 കടന്നെന്ന് റിപ്പോർട്ട്. ശനിയാഴ്ച മാത്രം 477 പേർക്കാണ് കോവിഡ് സ്ഥിരീകരിച്ചത്. ഇതോടെ സംസ്ഥാനത്തെ കോവിഡ് ബാധിതരുടെ ആകെ എണ്ണം 10,585 ആയി. 6,970 പേരാണ് ഇപ്പോൾ ചികിത്സയിലുള്ളത്.
മൂന്ന് പേരാണ് ശനിയാഴ്ച മാത്രം രോഗബാധയെ തുടർന്ന് മരണപ്പെട്ടത്. ഇതോടെ ആകെ മരണം 74 ആയി. 3,538 പേർ ഇതുവരെ രോഗമുക്തി നേടി. രാജ്യത്ത് ഏറ്റവും കൂടുതൽ കോവിഡ് കേസുകൾ റിപ്പോർട്ട് ചെയ്ത രണ്ടാമത്തെ സംസ്ഥാനമാണ് തമിഴ്നാട്. തമിഴ്നാട്ടിൽ ഏറ്റവും കൂടുതൽ കേസുകൾ ചെന്നൈയിലാണ്. 332 കേസുകളാണ് ചെന്നൈയിൽ മാത്രം റിപ്പോർട്ട് ചെയ്തത്.
