06 June, 2022 09:53:07 AM
ഭൂമി അളന്നു നൽകാൻ 50,000 രൂപ കൈക്കൂലി: നാലുപേർ വിജിലൻസ് പിടിയിൽ
പാലക്കാട്: ഭൂമി അളന്നു നല്കാൻ കൈക്കൂലി ആവശ്യപ്പെട്ടതിനെ തുടർന്ന് നാലുപേർ വിജിലൻസ് പിടിയിൽ. പാലക്കാട് കടമ്പഴിപ്പുറം ഒന്നിലെ വില്ലേജ് അസിസ്റ്റന്റ് ഉല്ലാസ്, താല്ക്കാലിക ജീവനക്കാരി സുകുല , അമ്പലപ്പാറ ഫീൽഡ് അസിസ്റ്റന്റ് പ്രസാദ് കുമാർ, റിട്ടയേഡ് വില്ലേജ് അസിസ്റ്റന്റ് സുകുമാരൻ എന്നിവരെയാണ് വിജിലൻസ് അറസ്റ്റ് ചെയ്തത്. തൃപ്പലമുണ്ടയിലെ 12 ഏക്കർ സ്ഥലം അളന്നു നല്കുന്നതിന് 50,000 രൂപ ഇവർ കൈക്കൂലി ആവശ്യപ്പെട്ടിരുന്നു. സ്ഥലമുടമ ഭഗീരഥന്റെ പരാതിയിലാണ് വിജിലൻസ് നടപടി.
