16 October, 2023 03:09:34 PM


അച്ഛനെ അപമാനിച്ചു; അലൻസിയറിനെതിരേ ആർട്ടിസ്റ്റ് നമ്പൂതിരിയുടെ മകൻ‌



കൊച്ചി: ഒരു കോടി രൂപ നഷ്ടപരിഹാരം ആവശ്യപ്പെട്ട് ആർട്ടിസ്റ്റ് നമ്പൂതിരിയുടെ മകൻ‌ നടൻ അലൻസിയറിനെതിരേ വക്കീൽ നോട്ടീസയച്ചു. സംസ്ഥാന ചലച്ചിത്ര പുരസ്ക്കാര വേദിയിലെ വിവാദ പരാമർശത്തിനു പിന്നാലെ നൽകിയ അഭിമുഖത്തിൽ ആർട്ടിസ്റ്റ് നമ്പൂതിരിയെ അലൻസിയർ അപമാനിച്ചെന്നാണ് പരാതി.

പെൺപ്രതിമ നൽകി പ്രലോഭിപ്പിക്കരുതെന്നായിരുന്നു പുരസ്ക്കാര വേദിയിലെ അലൻസിയറിന്‍റെ വിവാദ പരാമർശം. പിന്നാലെ അഭിമുഖത്തിൽ പെൺ പ്രതിമ രൂപകൽപ്പന ചെയ്തത് ആർട്ടിസ്റ്റ് നമ്പൂതിരിയാണെന്ന് പറയുകയും തുടർന്ന് വ്യക്തപരമായി അപമാനിക്കുകയുമായിരുന്നെന്ന് മകൻ ദേവൻ പറയുന്നു. 

പുരസ്കാരത്തിനൊപ്പം നൽകുന്ന ശില്പം ആർട്ടിസ്റ്റ് നമ്പൂതിരി രൂപകല്പന ചെയ്തതല്ലെന്നും എന്നാൽ ഇതിന്‍റെ പേരിൽ അലൻസിയർ വ്യക്തിപരമായും ജാതീയമായും അധിക്ഷേപിച്ചെന്നും അദ്ദേഹം നോട്ടീസിൽ വ്യക്തമാക്കുന്നു.


Share this News Now:
  • Mail
  • Whatsapp whatsapp
Like(s): 3.7K