26 May, 2026 01:46:04 PM
ചെന്നൈയിൽ എണ്ണ സംഭരണ കേന്ദ്രത്തിൽ വൻ തീപിടിത്തം; രണ്ട് അഗ്നിരക്ഷാ ഉദ്യോഗസ്ഥർക്ക് പരിക്ക്
ചെന്നൈ: ചെന്നൈ മണലിയിലെ എണ്ണ സംഭരണ കേന്ദ്രത്തിൽ വൻ തീപിടുത്തം. പുക ശ്വസിച്ച് രണ്ട് അഗ്നിരക്ഷാ സേനാംഗങ്ങൾക്ക് പരിക്കേറ്റു. ഒരു ലക്ഷത്തോളം ലിറ്റർ ഓയിൽ ശേഖരം ഉണ്ടായിരുന്ന സംഭരണ കേന്ദ്രത്തിനാണ് തീപിടിച്ചത്. ഇത് പൂർണമായും കത്തി നശിച്ചു. ഇന്നലെ ഉച്ചയോടെയായിരുന്നു സത്യസായി ഓയിൽ ലൂബ്രിക്കൻസ് എന്ന സ്ഥാപനത്തിൽ വലിയ തോതിലുളള തീപിടുത്തം ഉണ്ടായത്.
പഴകിയ ഓയിൽ സൂക്ഷിച്ചിരുന്ന സ്ഥലത്താണ് തീപിടുത്തം ഉണ്ടായത്. തീപടരുന്നത് ശ്രദ്ധയിൽപ്പെട്ട ഉടൻതന്നെ ജീവൻകാരെല്ലാവരും ഓടി മാറിയതിനാൽ വലിയ രീതിയിലുള്ള അപകടം ഒഴിവാക്കാൻ സാധിച്ചു. തീ നിയന്ത്രണ വിധേയമാകുന്നതിനിടെ രക്ഷാപ്രവർത്തനത്തിനെത്തിയ രണ്ട് ഉദ്യോഗസ്ഥർക്ക് പുക ശ്വസിച്ച് പരിക്കേറ്റു. ഇവരുടെ ആരോഗ്യനില തൃപ്തികരമാണ്. മണിക്കൂറുകൾ എടുത്താണ് തീ അണയ്ക്കാൻ സാധിച്ചത്. ഏകദേശം പത്തോളം അഗ്നിരക്ഷാ യൂണിറ്റുകൾ എത്തിയാണ് തീ അണച്ചത്.
