14 December, 2016 08:48:19 PM
ഗായിക വൈക്കം വിജയലക്ഷ്മിയുടെ വിവാഹം മാര്‍ച്ച് 29ന്
വൈക്കം: പിന്നണി ഗായിക വൈക്കം വിജയലക്ഷ്മിയുടെ വിവാഹം നിശ്ചയിച്ചു. തൃശൂർ അരിമ്പൂർ സ്വദേശി സന്തോഷാണ് വരൻ. വിജയലക്ഷ്മിയുടെ വസതിയിൽവെച്ച് നടന്ന നിശ്ചയ ചടങ്ങിൽ മോതിരം മാറ്റം നടന്നു. അടുത്ത ബന്ധുക്കളും സുഹൃത്തുക്കളുമാണ് ചടങ്ങളിൽ പങ്കെടുത്തത്. മാര്‍ച്ച് 29നാണ് വിവാഹം. ഉദയാനപുരം സ്വദേശിയായ മുരളീധരന്‍റെയും വിമലയുടെയും മകളാണ് വിജയലക്ഷ്മി. സ്വതസിദ്ധമായ ആലാപന ശൈലികൊണ്ടും വ്യത്യസ്തമായ ശബ്ദംകൊണ്ടും ശ്രദ്ധനേടിയ ഗായികയാണവർ. മികച്ച ഗായികക്കുള്ള സംസ്ഥാന സർക്കാറിന്‍റെ അവാർഡും നേടിയിട്ടുണ്ട്.
