10 June, 2022 05:19:03 PM
'കളി മാറി, ചെറിയ കളി അല്ല': ഷാജ് കിരണിന്റെ ശബ്ദ സന്ദേശം പുറത്തുവിട്ട് സ്വപ്ന സുരേഷ്
പാലക്കാട്: മുഖ്യമന്ത്രിക്ക് വേണ്ടി തന്നെ സമീപിച്ചുവെന്നു പറയുന്ന ഷാജ് കിരണ്‍ സംസാരിച്ചതിന്‍റെ ശബ്ദ സന്ദേശം സ്വപ്ന സുരേഷ് പുറത്തുവിട്ടു. പാലക്കാട്ട് ഫ്ളാറ്റിൽ വാർത്താസമ്മേളനം നടത്തിയാണ് ഷാജ് കിരണുമായുള്ള സംഭാഷണത്തിന്‍റെ ശബ്ദരേഖ സ്വപ്ന പുറത്തുവിട്ടത്.
മുഖ്യമന്ത്രിക്കുവേണ്ടി ഷാജ് കിരണ്‍ എന്നയാൾ തന്നെ ഭീഷണിപ്പെടുത്തിയെന്നാണ് സ്വപ്ന ആരോപിക്കുന്നത്. അയാൾക്ക് മുഖ്യമന്ത്രിയുമായി ബന്ധമുണ്ടെന്നും സ്വപ്ന പറഞ്ഞിരുന്നു.
വീരപരിവേഷത്തിൽ ജയിലിൽ പോണോ എന്നും ഷാജ് കിരൺ സംഭഷണത്തിൽ ചോദിക്കുന്നുണ്ട്. സരിത്തിനെ കൂടെ പിടിച്ചു നിർത്തണം. ഇല്ലേൽ സ്വപ്നയെ ബാധിക്കും. തന്നെയും പിടിക്കുമെന്നും ഷാജ് കിരണ്‍ പറഞ്ഞു.
എഡിജിപി തന്നോട് വിളിച്ചു പറഞ്ഞു. എന്തു വന്നാലും ഒരുമിച്ച് നേരിടണമെന്നും ഷാജ് പറഞ്ഞു. നിങ്ങളാരും വിചാരിക്കുന്ന ആളല്ല താൻ. കളി മാറി, ചെറിയ കളി അല്ല. മുൻകൂർ ജാമ്യാപേക്ഷ നൽകാൻ അഭിഭാഷകനോട് പറയൂ. നമ്മൾ അറിയാത്ത കളി ഇതിൽ നടക്കുന്നുണ്ടെന്നും ഷാജ് പറയുന്നുണ്ട്. ഒന്നര മണിക്കൂര്‍ ദൈര്‍ഘ്യമുള്ളതാണ് ശബ്ദരേഖ.
