17 October, 2022 05:43:33 PM
ഡ്യൂട്ടി പരിഷ്കരണം പ്രയോജനമായോ; കെഎസ്ആർടിസിയോട് വിശദീകരണം തേടി ഹൈക്കോടതി
കൊച്ചി: കെഎസ്‌ആര്‍ടിസിയിലെ സിംഗിള്‍ ഡ്യൂട്ടി പരിഷ്കാരം നടപ്പിലാക്കിയതുകൊണ്ട് കോർപ്പറേഷന് പ്രയോജനം ഉണ്ടായോ എന്ന് ഹൈക്കോടതി. ഏതെല്ലാം ഡിപ്പോകളില്‍ നടപ്പിലാക്കി, എന്തെല്ലാം പ്രയോജനം ഉണ്ടായി എന്ന് അറിയിക്കണമെന്നും കോടതി ഉത്തരവിട്ടു.
നിലവില്‍ പാറശാല ഡിപ്പോയില്‍ മാത്രമാണ് സിംഗിള്‍ ഡ്യൂട്ടി നടപ്പിലാക്കിയതെന്ന് കെഎസ്ആര്ടിസി അഭിഭാഷകന്‍ കോടതിയെ അറിയിച്ചു. ഡ്യൂട്ടി പരിഷ്കാരത്തിന് ശേഷം പാറശാലയിലെ ദിവസ വരുമാനം 30,000 മുതല്‍ 40,000 രൂപ വരെ വർധിച്ചുവെന്നും കെഎസ്ആര്ടിസി അറിയിച്ചു.
