02 July, 2023 12:27:38 PM
മണിപ്പൂരില്‍ വീണ്ടും സംഘര്‍ഷം: വെടിവയ്പ്പില്‍ മൂന്ന് പേര്‍ കൊല്ലപ്പെട്ടു
ഇംഫാല്‍: വംശീയ കലാപം തുടരുന്ന മണിപ്പൂരില്‍ വീണ്ടും സംഘര്‍ഷം. പുലര്‍ച്ചെയുണ്ടായ വെടിവയ്പ്പില്‍ മൂന്ന് പേര്‍ കൊല്ലപ്പെട്ടു. മേയ്തി വിഭാഗക്കാരാണ് കൊല്ലപ്പെട്ടതെന്നാണ് വിവരം. ബിഷ്ണുപൂരിലെ കുമ്പി ഗ്രാമത്തിലാണ് വെടിവയ്പ്പുണ്ടായത്. അത്യാധുനിക തോക്കുകളുമായി എത്തിയ അക്രമികള്‍ ഗ്രാമവാസികള്‍ക്ക് നേരെ ആക്രമണം നടത്തുകയായിരുന്നു.
നിരവധി മൃഗങ്ങളെ വെടിവച്ച് കൊന്നു. ചില വളര്‍ത്തുമൃഗങ്ങളെ കടത്തിക്കൊണ്ടുപോയതായും റിപ്പോര്‍ട്ടുണ്ട്. സംഘര്‍ഷ മേഖലയായതിനാല്‍ കേന്ദ്ര സേനയെ ഉള്‍പ്പെടെ വിന്യസിച്ചിട്ടുള്ള പ്രദേശത്താണ് അക്രമം ഉണ്ടായത്. മേഖലയിലേക്ക് കൂടുതല്‍ സൈന്യത്തെ അയയ്ക്കുമെന്നാണ് വിവരം.
