14 November, 2023 11:08:29 AM


ഉത്തർപ്രദേശിൽ കാറും ട്രക്കും കൂട്ടിയിടിച്ച് ആറ് മരണം



മുസാഫർനഗർ: ഉത്തര്‍പ്രദേശിലെ മുസാഫര്‍നഗറില്‍ നാഷണല്‍ ഹൈവേ 58ല്‍ കാറും ട്രക്കും കൂട്ടിയിടിച്ച് ആറ് പേര്‍ മരിച്ചു. ഇന്ന് പുലര്‍ച്ചെയായിരുന്നു അപകടം. കാറിലുണ്ടായിരുന്ന ആറ് പേരാണ് മരിച്ചത്. ഡല്‍ഹി സ്വദേശികളാണ് മരിച്ചത്. ഹരിദ്വാറിലേക്കുള്ള യാത്രക്കിടെയാണ് അപകടം.

കാർ‌ അമിത വേ​ഗതയിലായിരുന്നതിനാല്‍ ഡ്രൈവർക്ക് നിയന്ത്രണം നഷ്ടപ്പെട്ടാണ് അപകടമുണ്ടായതെന്നാണ് പ്രാഥമിക നി​ഗമനം. ഇടിയുടെ ആഘാതത്തിൽ കാർ ട്രക്കിന്‍റെ അടിയിലേക്ക് ഇടിച്ചു കയറി. കാറിലുണ്ടായിരുന്നവരാണ് മരിച്ചത്. ക്രെയിൻ ഉപയോ​ഗിച്ചാണ് പിന്നീട് കാർ പുറത്തെടുത്തത്. അപകടത്തെക്കുറിച്ച് വിശദമായ അന്വേഷണം നടത്തുമെന്നു പൊലീസ് വ്യക്തമാക്കി.



Share this News Now:
  • Mail
  • Whatsapp whatsapp
Like(s): 2.6K