27 July, 2025 10:38:32 AM
നിരവധി മോഷണ കേസുകളിലെ പ്രതികൾ കുമരകം പോലീസിന്റെ പിടിയിൽ
കുമരകം: നിരവധി മോഷണക്കേസുകളിലെ പ്രതികൾ കുമരകം പോലീസിന്റെ പിടിയിൽ. കുമരകം, തിരുവാർപ്പ് മേഖലകളിലായി മോഷണം നടത്തിയിരുന്ന സംഘം അറസ്റ്റിൽ. ഷബീർ സേസി, കൊൽക്കത്ത സ്വദേശി മുഹമ്മദ് സുമോൻ.എസ്.കെ എന്നിവരെ കുമരകം പോലീസിന്റെ പ്രത്യേക അന്വേഷണസംഘം തൃശ്ശൂർ ജില്ലയിൽ നിന്നും അറസ്റ്റ് ചെയ്യുകയായിരുന്നു.
2024 ആഗസ്റ്റിൽ കുമരകം പുതിയകാവിലുള്ള പൂട്ടികിടന്ന വീട്ടലും, 2025 മാർച്ച് മാസം തുമ്പേക്കളം സെൻറ് മേരീസ് ചാപ്പലിൽ നിന്നും, 2025 ജൂലൈയിൽ നാഷണാന്ത്ര ക്ഷേത്രത്തിൽ നിന്നും, പള്ളിച്ചിറ ഗരുമന്ദിരത്തിൽ നിന്നും മോഷണം നടന്നതുമായി ബന്ധപ്പെട്ട് രജിസ്റ്റർ ചെയ്ത് കേസുകളിലായി നടത്തിയ അന്വേഷണത്തിൽ കഴിഞ്ഞദിവസം പള്ളിച്ചിറ ഗുരു മന്ദിരത്തിൽ മോഷണം നടത്തിയതിന് അറസ്റ്റ് ചെയ്ത ബംഗാൾ സ്വദേശി മുഹമ്മദ് ശംസുൽ ഷെയ്ഖ് ഖാനെ ചോദ്യം ചെയ്തതിൽ മോഷണ സംഘത്തെ കുറിച്ചുള്ള കൂടുതൽ വിവരങ്ങൾ വെളിവാവുകയായിരുന്നു.
കുമരകം ഇൻസ്പെക്ടർ ഷിജി.കെ യുടെ നിർദ്ദേശാനുസരണം എസ്.ഐ ഹരിഹരകുമാർ നായർ, സ്പെഷ്യൽ സിപിഒ യേശുദാസ്, സ്പെഷ്യൽ സിപിഒ സജയകുമാർ, സ്പെഷ്യൽ സിപിഒ സജിത്ത് കുമാർ, സിപിഒ ജാക്സൺ എന്നിവരടങ്ങിയ സംഘം മോഷണ സംഘത്തെ കുറിച്ചുള്ള അന്വേഷണം ആരംഭിച്ചു.
കേരളത്തിലെ വിവിധ ജില്ലകളിലായി നിരവധി മോഷണ കേസുകളിൽ പ്രതികളായ ഷബീർ, മുഹമ്മദ് സുമൻ
എന്നിവരെ പോലീസ് സംഘം തൃശൂർ കൊടുങ്ങല്ലൂരിൽ നിന്നും ചേർപ്പിൽ നിന്നും ആയി ഇന്ന്(26.07.2025) അറസ്റ്റ് ചെയ്യുകയായിരുന്നു. അറസ്റ്റ് ചെയ്ത മുഹമ്മദ് സുമന്റ് പേരിൽ കുമരകം സ്റ്റേഷനിൽ മൂന്നു മോഷണ കേസുകളും ഷാബിറിന്റെ പേരിൽ ഒരു മോഷണക്കേസും നിലവിലുണ്ട്.
