30 July, 2025 11:45:37 AM
ഈരാറ്റുപേട്ടയിൽ കാപ്പാ കേസ് പ്രതിയെ പിടിക്കാനെത്തിയ പൊലീസുകാരന് കുത്തേറ്റു
ഈരാറ്റുപേട്ട: കാപ്പ കേസ് പ്രതിയെ പിടികൂടാനെത്തിയ പൊലീസുകാരന് കുത്തേറ്റു. ഈരാറ്റുപേട്ട പൊലീസ് സ്റ്റേഷനിലെ സിപിഓ ശ്രീജേഷിനെയാണ് കാപ്പാ കേസ് പ്രതി അബ്ദുള്‍ ഹക്കീം കുത്തിയത്. ശ്രീജേഷിനെ ആശുപത്രിയില്‍ പ്രവേശിപ്പിച്ചു. പരിക്ക് സാരമുള്ളതല്ലെന്നാണ് വിവരം. അബ്ദുള്‍ ഹക്കീമിനെ പൊലീസ് അറസ്റ്റ് ചെയ്തു. ഈ മാസമാണ് അബ്ദുള്‍ ഹക്കീമിനെതിരെ കാപ്പ ചുമത്തിയത്. ഇയാൾ വീട്ടിലുണ്ട് എന്നറിഞ്ഞ് കസ്റ്റഡിയിലെടുക്കാൻ എത്തിയതായിരുന്നു പൊലീസ് സംഘം. വീട്ടിലെ കറിക്കത്തി ഉപയോഗിച്ചാണ് അബ്ദുള്‍ ഹക്കീം ശ്രീജേഷിനെ കുത്തിയത്. ഔദ്യോഗിക കൃത്യനിര്‍വഹണത്തിനിടെ പൊലീസുകാരെ ആക്രമിച്ച് പരിക്കേല്‍പ്പിച്ചതിന് അബ്ദുള്‍ ഹക്കീമിനെതിരെ പുതിയ കേസെടുക്കും.
