01 April, 2016 03:36:52 PM
ട്രെയിനില് നിന്നും വീണ വിദ്യാര്ത്ഥിയുടെ കാല് അറ്റു
കൊട്ടാരക്കര: ട്രെയിനില്നിന്നും വീണ വിദ്യാര്ഥിയുടെ കാല് അറ്റുപോയി. കൊട്ടാരക്കര കിഴക്കേക്കര കെ.കെ. നഗറില് സാജന്കോശിയുടെ മകന് സനൂപ് സാജന്കോശി(15)യുടെ വലതുകാലാണ് അറ്റുപോയത്. കൊട്ടാരക്കര റെയില്വേ സ്റ്റേഷനില് ഇന്നലെ രാവിലെ 8.50-നായിരുന്നു അപകടം. സ്റ്റേഷനില് നിന്നും കൊല്ലത്തേക്കു പുറപ്പെട്ട പാസഞ്ചര് ട്രെയിനില് ഓടിക്കയറുന്നതിനിടെ പിടികിട്ടാതെ പാളത്തിനും ട്രെയിനുമടിയില് വീഴുകയായിരുന്നു. കരിക്കം കെ.എന്.എസ്. സ്കൂളിലെ വിദ്യാര്ഥിയാണ്. കൊട്ടാരക്കര താലൂക്ക് ആശുപത്രിയിലെ പ്രാഥമിക ചികിത്സയ്ക്കുശേഷം തിരുവനന്തപുരം മെഡിക്കല് കോളജ് ആശുപത്രിയില് പ്രവേശിപ്പിച്ചു.