28 July, 2020 10:42:54 AM
B
കോട്ടയം: ഏറ്റുമാനൂരിൽ രോഗവ്യാപനം വര്‍ധിക്കുന്നത് ആശങ്ക ഉയർത്തുന്നു. ഏറ്റുമാനൂരില്‍ തിങ്കളാഴ്ച രോഗം സ്ഥിരീകരിച്ച 37 പേരെ ഇനിയും ആശുപത്രിയിലേക്ക് മാറ്റിയില്ല. രോഗബാധിതര്‍ കഴിയുന്നത് പച്ചക്കറിച്ചന്തയിലെ താല്‍ക്കാലിക താമസസ്ഥലത്താണ്. ആശുപത്രിയില്‍ സ്ഥലമില്ലാത്തതിനാല്‍ മാറ്റാനാവില്ലെന്നാണ് അധികൃതർ നൽകുന്ന വിശദീകരണം.
ഏറ്റുമാനൂർ പച്ചക്കറി മാര്‍ക്കറ്റ് കേന്ദ്രീകരിച്ച് തിങ്കളാഴ്ച നടത്തിയ ആന്‍റിജന്‍ പരിശോധനയില്‍ 46 പേര്‍ക്കാണ് കോവിഡ് സ്ഥിരീകരിച്ചത്. ജില്ലയിലെ ഏറ്റവും വലിയ ക്ലസ്റ്ററായി ഏറ്റുമാനൂര്‍ മാറുമെന്നാണ് അധികൃതരുടെ ആശങ്ക.
