01 March, 2021 12:03:10 PM
പുല്ലു ചെത്താൻ പോയ പെൺകുട്ടി മരിച്ച നിലയിൽ; അക്രമാസക്തരായി ജനക്കൂട്ടം
ലക്നോ: പുല്ലു ചെത്താൻ പോയ പെണ്കുട്ടി മരിച്ച നിലയില്. ഉത്തര്പ്രദേശിലെ അലിഗഡ്ഡിലാണ് സംഭവം. 16കാരിയായ പെണ്കുട്ടിയെ ഞായറാഴ്ച മുതല് കാണാതായിരുന്നു. തുടര്ന്ന് നടത്തിയ അന്വേഷണത്തിലാണ് പെണ്കുട്ടിയുടെ മൃതദേഹം കണ്ടെത്തിയത്.
കഴുത്ത് ഞെരിച്ച് പെണ്കുട്ടിയെ കൊലപ്പെടുത്തിയതാണെന്ന് പ്രാഥമിക അന്വേഷണത്തില് കണ്ടെത്തി. കുട്ടിയുടെ മൃതദേഹം പോസ്റ്റുമോര്ട്ടത്തിന് അയച്ചു. സംഭവമറിഞ്ഞ് അക്രമാസക്തരായ പ്രദേശവാസികള് പോലീസിനു നേരെ കല്ലെറിഞ്ഞു. സംഭവത്തില് ഒരു പോലീസ് ഉദ്യോഗസ്ഥന് പരിക്കേറ്റു.
പോലീസ് അന്വേഷണം ആരംഭിച്ചിട്ടുണ്ട്. പ്രതികളെന്ന് സംശയിക്കുന്നവരെ ചോദ്യം ചെയ്തു വരികയാണെന്ന് പോലീസ് അറിയിച്ചു.