31 October, 2023 03:47:54 PM
മൊബൈൽ ഫോണുകളിൽ അലേർട്ട് എത്തി; സ്ക്രീനിൽ സന്ദേശവും
തിരുവനന്തപുരം: കേരളത്തില്‍ പുതുതായി പരീക്ഷിക്കുന്ന സെല്‍ ബ്രോഡ്‌കാസ്റ്റിംഗിന്‍റെ ഭാഗമായുള്ള ടെസ്റ്റ് അലര്ട്ടുകള് വന്നു തുടങ്ങി. ഇംഗ്ലീഷിലും, മലയാളത്തിലും ഇന്ന് രാവിലെ 11.53 മുതൽ അലേർട്ട് ലഭിക്കുന്നുണ്ട്. ഫോണുകൾ വിറയ്ക്കുകയും, ഇതോടൊപ്പം അലേർട്ട് സൈറണും, ശബ്ദ സന്ദേശങ്ങളോടെയുമാണ് പരീക്ഷത്തിന്‍റെ ഭാഗമായുള്ള ടെസ്റ്റ് അലേർട്ട് വരുന്നത്.
കേരളത്തിലെ മൊബൈല്‍ ഫോണുകള്‍ പ്രത്യേക തരത്തില്‍ ശബ്ദിക്കുകയും വൈബ്രേറ്റ് ചെയ്യുകയും ചെയ്യുമെന്ന് മുന്നറിയിപ്പ് കഴിഞ്ഞ ദിവസം തന്നെ കേന്ദ്ര ടെലികോം വകുപ്പ് നൽകിയിച്ചിരുന്നു. 31-10-2023 പകല്‍ 11 മണിമുതല്‍ വൈകിട്ട് നാലുമണിവരെ ഫോണുകള്‍ ശബ്ദിക്കുകയും വിറയ്ക്കുകയും ചെയ്യുമെന്നായിരുന്നു അറിയിപ്പ്. ഇത്തരത്തില്‍ സന്ദേശങ്ങള്‍ ലഭിക്കുന്നവര്‍ പരിഭ്രാന്തരാകേണ്ടതില്ല. ഇതൊരു അടിയന്തരഘട്ട മുന്നറിയിപ്പ് പരീക്ഷണം മാത്രമാണെന്നും ടെലികോം വകുപ്പ് വ്യക്തമാക്കുന്നു.
പൊതുജനങ്ങളുടെ സുരക്ഷ വര്‍ദ്ധിപ്പിക്കുന്നതും പ്രകൃതി ദുരന്തങ്ങള്‍ പോലുള്ള അടിയന്തര ഘട്ടങ്ങളില്‍ സമയബന്ധിതമായ അലര്ട്ടുകള് നല്‍കുന്നതുമാണ് സെല്‍ ബ്രോഡ്‌കാസ്റ്റിംഗ് സംവിധാനത്തിലൂടെ ലക്ഷ്യമിടുന്നത്.
മുന്നറിയിപ്പ് സംവിധാനത്തിന്‍റെ പ്രവര്‍ത്തനം പരിശോധിക്കുകയാണ് ടെസ്റ്റ് അലര്‍ട്ടിലൂടെ ചെയ്യുന്നത്. ദേശീയ ദുരന്ത നിവാരണ അതോറിറ്റി, കേന്ദ്ര ടെലികമ്മ്യൂണിക്കേഷൻ വകുപ്പ്, സംസ്ഥാന, ജില്ലാ ദുരന്ത നിവാരണ വകുപ്പുകള്‍ എന്നിവര്‍ ചേര്‍ന്നാണ് പരീക്ഷണം നടത്തുന്നത്.
അലാറം പോലുള്ള ശബ്ദമാകും ഫോണില്‍ വരുന്നത്.. പലരുടെയും കൂട്ടത്തോടെ നിരവധി ഫോണുകള്‍ ഒരുമിച്ച്‌ ശബ്ദിക്കുന്നത്. യഥാര്‍ത്ഥ മുന്നറിയിപ്പല്ലെന്ന ബോധ്യം ഉപഭോക്താക്കള്‍ക്ക് ഉണ്ടാകുന്നതിനായി 'സാമ്ബിള്‍ ടെസ്റ്റ് മെസേജ്' എന്ന ലേബല്‍ നല്‍കണമെന്ന് കേന്ദ്ര മന്ത്രാലയം നി‌ര്‍ദേശം നല്‍കിയിട്ടുണ്ട്.
