24 March, 2026 09:27:13 AM
സ്വകാര്യ ആശുപത്രിയിലെ നഴ്സുമാര് വീണ്ടും സമരത്തിലേക്ക്; 26 മുതൽ അനിശ്ചിതകാല പണിമുടക്ക്
തിരുവനന്തപുരം: സംസ്ഥാനത്തെ സ്വകാര്യ ആശുപത്രികളിലെ നഴ്സുമാര് വീണ്ടും സമരത്തിലേക്ക്. ഈമാസം 26 മുതല് അനിശ്ചിതകാല പണിമുടക്ക് നടത്തുമെന്ന് യുണൈറ്റഡ് നഴ്സസ് അസോസിയേഷന് അറിയിച്ചു. മാനേജ്മെന്റുകള് ചര്ച്ചയ്ക്ക് തയ്യാറാക്കാത്തതിനാലാണ് സമര പ്രഖ്യാപനം. നാളെ മുതൽ സൂചന പണിമുടക്ക് തുടങ്ങുമെന്നും യുഎൻഎ അറിയിച്ചിട്ടുണ്ട്.
ആശുപത്രികളുടെ പ്രവര്ത്തനത്തെ തന്നെ ബാധിച്ച സമരം പിന്നീട് ഹൈക്കോടതി ഇടപെട്ടാണ് മാനേജ്മെന്റും യുഎന്എയും തമ്മില് ചര്ച്ച നടത്താന് തീരുമാനിച്ചത്. എന്നാല് ശമ്പള പരിഷ്കരണം അപ്രായോഗികം എന്ന് മാനേജ്മെന്റ് നിലപാട് എടുത്തതോടെയാണ്. നഴ്സുമാര് വീണ്ടും സമരത്തിലേക്ക് എന്ന് അറിയിച്ചത്.
നേരത്തെ നഴ്സുമാര് നടത്തിയ സമരത്തില് ആശുപത്രികളിലെ ഒ പിയിലടക്കം വലിയ പ്രതിസന്ധികള് നേരിട്ടിരുന്നു. നഴ്സുമാരുടെ അടിസ്ഥാന ശമ്പളം നല്കാന് മാനേജ്മെന്റുകള് തയ്യാറാകുന്നില്ല എന്നതാണ് പ്രധാനമായും യുണൈറ്റഡ് നഴ്സസ് അസോസ്സിയേഷന് ഉന്നയിക്കുന്നത്. നഴ്സുമാരുടെ സമരം സംസ്ഥാനത്തെ സ്വകാര്യ ആശുപത്രികളുടെ പ്രവര്ത്തനത്തെ ഗുരുതരമായി ബാധിക്കും.
