18 April, 2026 01:23:17 PM
വ്യാജ കത്ത് പ്രചരിപ്പിച്ചെന്ന് സണ്ണി ജോസഫിന്റെ പരാതി; രണ്ട് പേര്ക്കെതിരെ കേസെടുത്തു
കണ്ണൂര്: വ്യാജ കത്ത് പ്രചരിപ്പിച്ചെന്ന കെപിസിസി പ്രസിഡന്റ് സണ്ണി ജോസഫിന്റെ പരാതിയില് കേസെടുത്തു. അഡ്വ. കെ.ജെ. ജോസഫ്, അബ്ദുള് ഖാദര് എന്നിവര്ക്കെതിരെയാണ് കേസെടുത്തത്. കണ്ണൂര് എംപി കെ. സുധാകരന് നിയമസഭ തെരഞ്ഞെടുപ്പില് സീറ്റ് നല്കരുതെന്നാവശ്യപ്പെട്ട് എഐസിസി അധ്യക്ഷന് മല്ലികാര്ജുന് ഖാര്ഗെക്ക് സണ്ണി ജോസഫ് കത്ത് നല്കി എന്ന തരത്തിലായിരുന്നു പ്രചരണം.
രണ്ട് പേരുടെയും ഫേസ്ബുക്ക് അക്കൗണ്ട് വഴിയായിരുന്നു പ്രചരണം. സണ്ണി ജോസഫിന്റെ പരാതിയില് സൈബര് പോലീസ് ആണ് കേസെടുത്തത്. കണ്ണൂര് നിയമസഭാ മണ്ഡലത്തിലെ സീറ്റുമായി ബന്ധപ്പെട്ട് കെപിസിസിയുടെ ലെറ്റര്ഹെഡില് നിന്ന് കത്ത് പോയെന്ന തരത്തില് സമൂഹമാധ്യമത്തില് പ്രചരിക്കുന്ന വാര്ത്ത വ്യാജമാണെന്നാണ് പരാതിയില് പറയുന്നത്.
മണ്ഡലത്തില് ടി.ഒ. മോഹനനെ പിന്തുണച്ചും കെ. സുധാകരന്റെ വിജയസാധ്യതയെക്കുറിച്ച് ആശങ്ക പ്രകടിപ്പിച്ചും എഐസിസി അധ്യക്ഷന് മല്ലികാര്ജുന് ഖാര്ഗെയ്ക്ക് കെപിസിസിയുടെ ലെറ്റര്ഹെഡില് നിന്ന് കത്ത് നല്കിയെന്നാണ് ആരോപണം. സമൂഹമാധ്യമങ്ങളിലാണ് സണ്ണി ജോസഫിന്റെ ലെറ്റര്പാഡില് തയ്യാറാക്കിയ കത്ത് പ്രചരിക്കുന്നത്.
