22 April, 2026 07:53:01 PM
മുണ്ടത്തിക്കോട് അപകടം: ധനസഹായം പ്രഖ്യാപിച്ച് എം എ യൂസഫ് അലി
തിരുവനന്തപുരം: തൃശൂർ മുണ്ടത്തിക്കോട് വെടിക്കെട്ട് അപകടത്തിൽപെട്ടവർക്ക് സഹായഹസ്തവുമായി പ്രമുഖ വ്യവസായി എം.എ. യൂസഫലി. മരണപ്പെട്ടവരുടെ കുടുംബാംഗങ്ങൾക്ക് ഒരു ലക്ഷം രൂപയും പരിക്കേറ്റവർക്ക് 50,000 രൂപയും ധനസഹായം പ്രഖ്യാപിച്ചു. ദുരന്തബാധിതർക്ക് തൃശൂർ ജില്ലാ കളക്ടർ വഴിയാണ് ധനസഹായം ലഭ്യമാക്കുക. എക്സ് പോസ്റ്റിലൂടെയാണ് യൂസഫലി സഹായവിവരം അറിയിച്ചത്.
നേരത്തെ സംസ്ഥാന സര്ക്കാരും ധനസഹായം പ്രഖ്യാപിച്ചിരുന്നു. അപകടത്തില് മരിച്ചവരുടെ കുടുംബത്തിന് 14 ലക്ഷം രൂപ നല്കും. സിഎംആര്ഡിഎഫില് നിന്നും 10 ലക്ഷം എസ്ഡിആര്എഫില് നിന്നും 4 ലക്ഷം രൂപയും നല്കും പരുക്കേറ്റവര്ക്ക് രണ്ട് ലക്ഷം രൂപയും പ്രഖ്യാപിച്ചു. ചികിത്സ ചെലവ് മുഴുവന് സര്ക്കാര് വഹിക്കും. പ്രത്യേക മന്ത്രിസഭാ യോഗത്തിലാണ് തീരുമാനം. സംഭവത്തില് ജുഡീഷ്യല് അന്വേഷണവും പ്രഖ്യാപിച്ചു.
