24 April, 2022 07:45:14 AM
പാക്കിസ്ഥാനിൽ നിന്നു നേടുന്ന ഡിഗ്രികൾക്ക് അംഗീകാരമില്ലെന്ന് യുജിസി
ന്യൂഡൽഹി: പാക്കിസ്ഥാനിൽനിന്നു നേടുന്ന ഉന്നതവിദ്യാഭ്യാസ യോഗ്യതകളുടെ അടിസ്ഥാനത്തിൽ ഇന്ത്യക്കാർക്കും പ്രവാസികളായ ഇന്ത്യൻ പൗരന്മാർക്കും ഇന്ത്യയിൽ തുടർപഠനവും ജോലിയും സാധ്യമല്ലെന്ന് യുജിസിയും ദേശീയ സാങ്കേതിക വിദ്യാഭ്യാസ സമിതിയും സംയുക്ത പ്രസ്താവനയിൽ പറഞ്ഞു.
പാക്കിസ്ഥാനിൽ നിന്നു നേടുന്ന ഡിഗ്രികളുടെ അടിസ്ഥാനത്തിൽ ഇന്ത്യയിൽ തുടർപഠനം, ജോലി എന്നിവ സാധ്യമല്ല. പാക്കിസ്ഥാനിൽ നിന്നു ഡിഗ്രി സ്വന്തമാക്കി ഇന്ത്യയിലേക്കു വരുന്ന അഭയാർഥികൾക്കും അവരുടെ കുട്ടികൾക്കും ഇന്ത്യൻ പൗരത്വം സ്വന്തമാക്കിയാൽ ഇന്ത്യയിൽ ജോലി ചെയ്യാൻ സാധിക്കും.
