03 May, 2023 12:20:51 PM


ഡിവൈഎഫ്ഐയുടെ ഹൃദയപൂർവം പദ്ധതിയെ പുകഴ്ത്തി രമേശ് ചെന്നിത്തല



കാസർഗോഡ്: യൂത്ത് കോൺഗ്രസ് കാസർഗോഡ് ജില്ലാ സമ്മേളനത്തിൽ ഡിവൈഎഫ്ഐയെ വാനോളം പുകഴ്ത്തി കോൺഗ്രസ് നേതാവ് രമേശ് ചെന്നിത്തല. ഡിവൈഎഫ്ഐയുടെ 'ഹൃദയപൂർവം' എന്ന പൊതിച്ചോർ പദ്ധതിയെ മാതൃകയാക്കണമെന്നും ചെന്നിത്തല പറഞ്ഞു.

''കോവിഡ് കാലത്ത് നമ്മുടെയാളുകൾ പുറത്തിറങ്ങിയിട്ടില്ല. യൂത്ത് കോൺഗ്രസിന്‍റെ യൂത്ത് കെയറിൽ 'കെയർ' ഉണ്ടായിരുന്നില്ല. അക്കാലത്ത് സജീവമായത് ഡിവൈഎഫ്ഐ ആയിരുന്നു''ചെന്നിത്തല കൂട്ടിച്ചേർത്തു.

യുവാക്കളെ ആകർഷിക്കാൻ നിരവധി പ്രവർത്തനങ്ങൾ യൂത്ത് കോൺഗ്രസിനു ചെയ്യാൻ സാധിക്കുമെന്നും ഓരോ പ്രദേശത്തും സന്നദ്ധ പ്രവർത്തനം നടത്തി കോൺഗ്രസിന് അനുകൂലമായ തരംഗം ഉണ്ടാക്കണമെന്നും ചെന്നിത്തല പറഞ്ഞു. അതേ സമയം ചെന്നിത്തല ഡിവൈഎഫ്ഐ യെ പുകഴ്ത്തി സംസാരിക്കുന്ന വിഡിയോ ഡിവൈഎഫ്ഐ അഖിലേന്ത്യാ പ്രസിഡന്‍റ് എ.എ. റഹിം ഫെയ്സ്ബുക്കിൽ പങ്കു വച്ചു.



Share this News Now:
  • Mail
  • Whatsapp whatsapp
Like(s): 4.8K