31 May, 2023 03:55:56 PM
സംസ്ഥാനത്ത് ഇന്ന് 11,801 സര്‍ക്കാര്‍ ജീവനക്കാർ വിരമിക്കുന്നു
തിരുവനന്തപുരം: സംസ്ഥാനത്ത് സര്‍ക്കാര്‍ സര്‍വ്വീസില്‍ നിന്ന് ഇന്ന് വിരമിക്കുന്നത് 11,801 പേര്‍. ആരോഗ്യം, വിദ്യാഭ്യാസം, റവന്യു വകുപ്പുകളില്‍ നിന്നാണ് കൂടുതല്‍ പേര്‍ വിരമിക്കുന്നത്. ഈ വര്‍ഷം ആകെ വിരമിക്കുന്നത് 21,537 പേരാണ്. അതില്‍ പകുതിയിലേറെ പേരാണ് ഇന്ന് ഒരുമിച്ച്‌ പടിയിറങ്ങുന്നത്. സ്കൂള്‍ പ്രവേശനം മുന്നില്‍ കണ്ട് മെയ് മാസം ജനനത്തീയതി രേഖപ്പെടുത്തുന്ന പതിവുണ്ടായിരുന്നതിനാലാണ് ഇത്രയധികം പേരുടെ കൂട്ടവിരമിക്കലുണ്ടായത്.
വിവിധ തസ്തികയനുസരിച്ച്‌ 15 മുതല്‍ 80 ലക്ഷം രൂപ വരെ നല്‍കേണ്ടതിനാല്‍, കടുത്ത സാമ്പത്തിക ബുദ്ധിമുട്ടിനിടയിൽ 1500 കോടിയോളം രൂപ സര്‍ക്കാര്‍ പെൻഷൻ ആനുകൂല്യങ്ങൾക്കായി കണ്ടെത്തേണ്ടി വരും. എന്നാല്‍ ആനുകൂല്യങ്ങള്‍ നല്‍കാൻ തടസ്സമില്ലെന്നും തുക തടഞ്ഞു വക്കുന്ന സാഹചര്യം ഉണ്ടാകില്ലെന്നും ധനവകുപ്പ് അറിയിച്ചിട്ടുണ്ട്.
