30 November, 2023 11:54:32 AM
ഡോ. ഗോപിനാഥ് രവീന്ദ്രന് തിരിച്ചടി; കണ്ണൂര് വിസി പുനര്നിയമനം സുപ്രീംകോടതി റദ്ദാക്കി
![](https://www.kairalynews.com/uploads/page_content_images/kairaly_news_17013254720.jpeg)
ന്യൂഡൽഹി: വൈസ് ചാൻസിലർ ഡോ. ഗോപിനാഥ് രവീന്ദ്രന് തിരിച്ചടി. കണ്ണൂർ സർവകലാശാല വിസി പുനർ നിയമനം സുപ്രീംകോടതി റദ്ദാക്കി. ചീഫ് ജസ്റ്റിസ് അധ്യക്ഷനായ ബെഞ്ചിന്റേതാണ് നടപടി. നിയമനം ശരിവച്ച ഹൈക്കോടതി ഉത്തരവ് സുപ്രീംകോടതി റദ്ദാക്കുകയായിരുന്നു. നിയമനത്തെ എതിർത്ത് ഗവർണർ സുപ്രീംകോടതിയിൽ സത്യവാങ്മൂലം സമർപ്പിച്ചിരുന്നു.
സർക്കാരിനും കണ്ണൂർ വിസി ഗോപിനാഥ് രവീന്ദ്രനും ഏറെ നിർണ്ണായകമായിരുന്ന വിധിയായിരുന്നു ഇത്. കണ്ണൂര് സര്വകലാശാല സെനറ്റ് അംഗം ഡോക്ടര് പ്രേമചന്ദ്രന് കീഴോത്ത്, അക്കാദമിക് കൗണ്സില് അംഗം ഷിനോ പി. ജോസ് എന്നിവരാണ് ഡോ. ഗോപിനാഥ് രവീന്ദ്രന്റെ പുനര്നിയമനം ചോദ്യം ചെയ്ത് സുപ്രീം കോടതിയെ സമീപിച്ചത്.