31 May, 2026 06:22:07 PM
മാനസിക പീഡനം; സ്മിത ആശുപത്രിയില് നഴ്സ് ജീവനൊടുക്കാന് ശ്രമിച്ചു
തൊടുപുഴ: തൊടുപുഴ സ്മിത ആശുപത്രിയില് നഴ്സ് ജീവനൊടുക്കാന് ശ്രമിച്ചു. യുഎന്എ യൂണിറ്റ് സെക്രട്ടറി കൂടിയായ യുവതിയാണ് ജീവനൊടുക്കാന് ശ്രമിച്ചത്. ജോലിക്കിടെയാണ് സംഭവം. മാനസിക പീഡനത്തെ തുടര്ന്നാണ് നഴ്സ് ജീവനൊടുക്കാന് ശ്രമിച്ചതെന്ന് ആരോപണം ഉയര്ന്നു. യുവതിയെ തീവ്രപരിചരണ വിഭാഗത്തില് പ്രവേശിപ്പിച്ചിരിക്കുകയാണ്.
ചീഫ് നഴ്സിങ് ഓഫീസര്, സൂപ്പര്വൈസര് എന്നിവര് തുടര്ച്ചയായി മാനസിക പീഡനത്തിനിരയാക്കിയതായാണ് ആരോപണം. ഇരുവര്ക്കുമെതിരെ മുന്പും പരാതികള് ഉയര്ന്നിരുന്നതായി ആശുപത്രിയിലെ ചില ജീവനക്കാര് പറഞ്ഞു. ഇവരുടെ പീഡനത്തെ തുടര്ന്ന് പലര്ക്കും ജോലി നിര്ത്തിപോകേണ്ടിവന്ന സാഹചര്യമുണ്ടായിട്ടുണ്ട്. ശമ്പളവുമായി ബന്ധപ്പെട്ടും ജോലി സമയം സംബന്ധിച്ചും പ്രശ്നങ്ങള് നേരിടുന്നുണ്ട്. ഇക്കാര്യങ്ങള് പല തവണ മാനേജ്മെന്റിന്റെ ശ്രദ്ധയില്പ്പെടുത്തിയിരുന്നു. എന്നാല് നടപടിയുണ്ടായില്ലെന്നും ജീവനക്കാര് പറഞ്ഞു. നഴ്സ് ജീവനൊടുക്കാന് ശ്രമിച്ചതിന് പിന്നാലെ മാനേജ്മെന്റ് ഇടപെട്ടു. ചര്ച്ചയ്ക്ക് തയ്യാറാണെന്ന് മാനേജ്മെന്റ് അറിയിച്ചിട്ടുണ്ട്.
