06 August, 2026 10:16:05 AM
കനത്ത മഴ: 100 വർഷം പഴക്കമുള്ള വീട് തകർന്നു വീണു; ആറ് പേർ മരിച്ചു, ഒരാൾ രക്ഷപ്പെട്ടു
ലഖ്നൗ: ഉത്തര്പ്രദേശില് കനത്ത മഴയില് വീട് തകര്ന്ന് വീണുണ്ടായ അപകടത്തില് ആറ് മരണം. രണ്ട് കുട്ടികള് ഉള്പ്പടെ ഒരു കുടുംബത്തിലെ അംഗങ്ങളാണ് മരിച്ചത്. ഗുരുതരമായി പരിക്കേറ്റ ഒരാളെ ആശുപത്രിയില് പ്രവേശിപ്പിച്ചിരിക്കുകയാണ്. കോട്വാലി പൊലീസ് സ്റ്റേഷന് പരിധിയില് വരുന്ന മഹുലിയിലുള്ള 100 വര്ഷം പഴക്കമുള്ള വീടാണ് തകര്ന്ന് വീണത്. ഇന്ന് രാവിലെയായിരുന്നു അപകടം. അപകടസമയം ഏഴ് പേരാണ് വീട്ടിലുണ്ടായിരുന്നതെന്നും ഇവരെല്ലാം ഉറങ്ങിക്കിടക്കെയാണ് കെട്ടിടം തകര്ന്നതെന്നും പൊലീസ് പറഞ്ഞു. വിവരമറിഞ്ഞ് ഉടനെ സ്ഥലത്തെത്തിയതായും രക്ഷാപ്രര്ത്തനം ആരംഭിച്ചതായും ഉന്നത പൊലീസ് ഉദ്യോഗസ്ഥന് വ്യക്തമാക്കി.
