08 August, 2020 09:29:07 PM


ഖത്തര്‍ എയര്‍വേയ്​സില്‍ മടങ്ങണമെങ്കില്‍ കോവിഡ്​ നെഗറ്റീവ്​ സര്‍ട്ടിഫിക്കറ്റ്​ നിര്‍ബന്ധം



ദോഹ: ആഗസ്​റ്റ്​ 13 മുതല്‍ ഖത്തറിലേക്ക്​ വരുന്ന ഇന്ത്യക്കാരടക്കം ചില രാജ്യക്കാര്‍ക്ക്​ ഖത്തര്‍ എയര്‍വേയ്​സ്​ കോവിഡ്​ നെഗറ്റീവ്​ സട്ടിഫിക്കറ്റ്​ നിര്‍ബന്ധമാക്കി. ഖത്തര്‍ എയര്‍വേയ്​സ്​ സര്‍വീസ്​ പുനരാംരംഭിക്കുന്ന മുറക്ക്​ ഇന്ത്യക്കാര്‍ക്കും ഇത്​ ബാധകമാവും. നിലവില്‍ സര്‍വീസ്​ നടത്തുന്ന ബംഗ്ലാദേശ്​, ബ്രസീല്‍, ഇറാന്‍, ഇറാഖ്​, പാകിസ്​താന്‍, ഫിലിപ്പീന്‍സ്​, ശ്രീലങ്ക രാജ്യങ്ങളിലുള്ളവര്‍ക്ക്​ 13 മുതല്‍​ യാത്ര ചെയ്യണമെങ്കില്‍ കോവിഡ്​ നെഗറ്റീവ്​ സര്‍ട്ടിഫിക്കറ്റ്​ നിര്‍ബന്ധമാക്കിയിട്ടുണ്ട്​​.


സര്‍വീസ്​ പുനരാംരംഭിക്കുന്ന മുറക്ക്​ ഇന്ത്യ, നേപ്പാള്‍, നൈജീരിയ, റഷ്യ രാജ്യക്കാര്‍ക്കും ഇത്​ നിര്‍ബന്ധമാകുമെന്നും കമ്ബനി പറയുന്നു. അതത്​ രാജ്യങ്ങളിലെ ഖത്തര്‍ എയര്‍വേയ്​സ്​ അംഗീകരിച്ച മെഡിക്കല്‍ സെന്‍ററുകളില്‍ നിന്നുള്ള 72 മണിക്കൂറിനുള്ളിലെ കോവിഡ്​ ആര്‍.ടിപി.സി.ആര്‍ പരിശോധന സര്‍ട്ടിഫിക്കറ്റ്​ ആണ്​ ഹാജരാക്കേണ്ടത്​. ഇതിന്‍റെ ചെലവ്​ യാത്രക്കാരന്‍ തന്നെ വഹിക്കണം. ചെക്ക്​ ഇന്‍ സമയത്ത്​ സര്‍ട്ടിഫിക്കറ്റിന്‍െറ കോപ്പി ഖത്തര്‍ എയര്‍വേയ്​സിന്‍റെ വെബ്​ സൈറ്റില്‍ നിന്ന്​ കിട്ടുന്ന നിശ്​ചിത ഫോറം പൂരിപ്പിച്ചത്​ എന്നിവ ഇല്ലാത്തവര്‍ക്ക്​ യാത്ര ചെയ്യാന്‍ കഴിയില്ല.


കുടുംബാംഗങ്ങളോടൊപ്പം വരുന്ന 12 വയസിന്​ താഴെയുള്ള കുട്ടികളെ ഈ നിബന്ധനയില്‍ നിന്ന്​ ഒഴിവാക്കിയിട്ടുണ്ട്​.

കോഴിക്കോട് അസാ ഡയഗ്​നോസ്​റ്റിക് സെന്‍റര്‍, തിരുവനന്തപുരത്ത്​ ഡി ഡി ആര്‍ സി ടെസ്​റ്റ് ലാബ്, കൊച്ചിയിലെ മെഡിവിഷന്‍ സ്​കാന്‍ ആന്‍ഡ് ഡയഗ്നോസ്​റ്റിക് റിസര്‍ച്ച്‌ സെന്‍റര്‍ എന്നീ കേരളത്തിലെ പരിശോധനാകേന്ദ്രങ്ങളാണ്​​ കമ്ബനിയുടെ പട്ടികയില്‍ ഉള്‍പ്പെട്ടിരിക്കുന്നത്​. അതേസമയം ചില രാജ്യങ്ങളിലെ ചില വിമാനത്താവളങ്ങളില്‍ നിന്നുള്ള യാത്രക്കാര്‍ക്കാണ്​ പുതിയ നിബന്ധനയെന്ന കാര്യത്തില്‍ സംശയമുണ്ട്​. ഇത്​ സംബന്ധിച്ച്‌​ വ്യക്​തതയില്ല.


പ്രവാസികള്‍ തിരിച്ചുവരു​േമ്ബാള്‍ കോവിഡ്​ നെഗറ്റീവ്​ സര്‍ട്ടിഫിക്കറ്റുണ്ടെങ്കില്‍ ഖത്തറില്‍ ഹോം ക്വാറന്‍റയിനും അല്ലെങ്കില്‍ സ്വന്തം ചെലവില്‍ ഹോട്ടല്‍ ക്വാറ​ൈന്‍നുമാണെന്നാണ്​ ആഭ്യന്തരമന്ത്രാലയം അറിയിച്ചിരുന്നത്​. റീ എന്‍ട്രി പെര്‍മിറ്റ്​ എടുത്ത ഇന്ത്യക്കാര്‍ക്കും ഇത്തരത്തില്‍ മടങ്ങിയെത്താം. എന്നാല്‍ ഖത്തര്‍ എയര്‍വേയ്​സ്​ ഇപ്പോള്‍ ഇന്ത്യക്കാര്‍ക്കടക്കം കോവിഡ്​ നെഗറ്റീവ്​ സര്‍ട്ടിഫിക്കറ്റ്​ നിര്‍ബന്ധമാക്കിയിരിക്കുകയാണ്​. ഇതുസംബന്ധിച്ച്‌​ തങ്ങള്‍ക്കും വിവരങ്ങള്‍ വന്നിട്ടുണ്ടെന്ന്​ ട്രാവല്‍ ഏജന്‍സികള്‍ പറയുന്നു.


ഇന്ത്യയില്‍ ഖത്തര്‍ എയര്‍വേയ്​സ്​ അംഗീകരിച്ച കോവിഡ്​ പരിശോധനാകേന്ദ്രങ്ങള്‍


ബംഗളൂരു - ഐ സി എം ആര്‍ അംഗീകാരമുള്ള എല്ലാ ലാബുകളും

ചെന്നൈ - ഐ സി എം ആര്‍ അംഗീകാരമുള്ള എല്ലാ ലാബുകളും

കൊച്ചി - മെഡിവിഷന്‍ സ്​കാന്‍ ആന്‍ഡ് ഡയഗ്നോസ്​റ്റിക് റിസര്‍ച്ച്‌ സെന്‍റര്‍

ഗോവ - ഗോവ മെഡിക്കല്‍ കോളേജ്

ഹൈദരാബാദ് - വിജയ ഡയഗ്നോസ്​റ്റിക്

കൊല്‍ക്കത്ത - അപ്പോളോ ആശുപത്രി, മെഡിക്ക സൂപ്പര്‍ സ്​പെഷ്യാലിറ്റി ലാബ്, സുരക്ഷാ ലാബ്സ്​, ഡോ. ലാല്‍ പാത് ലാബ്സ്​

കോഴിക്കോട് - അസാ ഡയഗ്​നോസ്​റ്റിക് സെന്‍റര്‍

നാഗ്പൂര്‍ - ധ്രുവ് പാത്തോളജി ആന്‍ഡ് മോളിക്യൂലാര്‍ ഡയഗ്നോസ്​റ്റിക്സ്​, സു-വിശ്വാസ്​ ഡയഗ്നോസ്​റ്റിക് ലാബ്

ന്യൂഡല്‍ഹി - ഡോ. ലാല്‍ പാത് ലാബ്സ്​

മുംബൈ - സബര്‍ബന്‍ ഡയഗ്നോസ്​റ്റിക്സ്​, മെേട്രാപോളിസ്​ എസ്​ ആര്‍ എല്‍, നാനാവതി ആശുപത്രി

തിരുവനന്തപുരം - ഡി ഡി ആര്‍ സി ടെസ്​റ്റ് ലാബ്.

ഇതിന്​ പുറമേ അമൃത്​സര്‍, അഹ്​മദാബാദ്​ എന്നിവിടങ്ങളിലെ പരിശോധനാകേന്ദ്രങ്ങളുടെ വിവരവും ഖത്തര്‍ എയര്‍വേയ്​സ്​ പുറത്തുവിട്ടിട്ടുണ്ട്​.



Share this News Now:
  • Mail
  • Whatsapp whatsapp
Like(s): 5.5K