25 October, 2025 07:50:13 PM
കൊഴുവനാല്‍ പഞ്ചായത്തിലെ റോഡുകളുടെ നിര്‍മ്മാണം ആരംഭിച്ചു
കൊഴുവനാല്‍: ജില്ലാ പഞ്ചായത്തിന്റെ പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്ത് മെമ്പര്‍ ജോസ്‌മോന്‍ മുണ്ടയ്ക്കല്‍ അനുവദിച്ച 20 ലക്ഷം രൂപ ഉപയോഗിച്ച് പുതുതായി ടാറിംഗും കോണ്‍ക്രീറ്റിംഗും നടത്തുന്ന കൊഴുവനാല്‍ പഞ്ചായത്തിലെ തണ്ണീറാമറ്റം-തട്ടുപാലം, ചൂരയ്ക്കല്‍-കിഴക്കേകുറ്റ്, കുറുമുണ്ട-തെള്ളിമരം, കൊഴുവനാല്‍ പള്ളിക്കുന്ന്-പറപ്പള്ളില്‍ റോഡുകളുടെ നിര്‍മ്മാണ ഉദ്ഘാടനം നടത്തി. വിവിധ സ്ഥലങ്ങളില്‍ നടന്ന യോഗങ്ങളില്‍ വച്ച് ജില്ലാ പഞ്ചായത്ത് മെമ്പര്‍ ജോസ്‌മോന്‍ മുണ്ടയ്ക്കല്‍ നിര്‍മ്മാണോദ്ഘാടനം നിര്‍വ്വഹിച്ചു.
യോഗത്തില്‍ ഗ്രാമപഞ്ചായത്ത് പ്രസിഡന്റ് ലീലാമ്മ ബിജു അദ്ധ്യക്ഷത വഹിച്ചു. ബ്ലോക് പഞ്ചായത്ത് പ്രസിഡന്റ് ജെസി ജോര്‍ജ്, ബ്ലോക് പഞ്ചായത്ത് മെമ്പര്‍ ജോസി പൊയ്കയില്‍, പഞ്ചായത്ത് വികസനകാര്യസ്റ്റാന്റിംഗ് കമ്മറ്റി ചെയര്‍പേഴ്‌സണ്‍ രമ്യ രാജേഷ്, പഞ്ചായത്ത് മെമ്പര്‍മാരായ മെര്‍ലിന്‍ ജെയിംസ്, പി.സി. ജോസഫ്, ബേബി പരിന്തിരി, സജി തകിടിപ്പുറം, സണ്ണി നായ്പുരയിടം, സുനില്‍ തകിടിപ്പുറം, ജോസ് നായ്പുരയിടം, ഡാര്‍ലി തകിടിപ്പുറം, ജെയിംസ് കോയിപ്ര എന്നിവര്‍ പ്രസംഗിച്ചു. ജില്ലാ പഞ്ചായത്തിന്റെ പദ്ധതിയില്‍ ഉള്‍പ്പെടുത്തി കൊഴുവനാല്‍ പഞ്ചായത്തില്‍ കോണ്‍ക്രീറ്റിംഗ് നടത്തുന്ന കൊഴുവനാല്‍ പള്ളിക്കുന്ന്-പറപ്പള്ളില്‍ റോഡിന്റെ നിര്‍മ്മാണോദ്ഘാടനം ജില്ലാ പഞ്ചായത്ത് മെമ്പര്‍ ജോസ്‌മോന്‍ മുണ്ടയ്ക്കല്‍ നിര്‍വ്വഹിക്കുന്നു.
