18 December, 2025 11:42:47 AM
പാലായിൽ ശബരിമല തീർത്ഥാടകരുടെ വാഹനം അപകടത്തിൽപ്പെട്ടു
പാലാ: പാലാ- പൊൻകുന്നം റോഡിൽ വിളക്കും മരുതിൽ ക്രെയിനിന്റെ സൂമിൽ ശബരിമല തീർത്ഥാടകരുടെ ബസ്സിടിച്ച് അപകടം. നിയന്ത്രണം തെറ്റിയ ബസ്സിന് മുന്നിൽ കാറും ഇടിച്ചു. ഇന്ന് രാവിലെ 9.30 ഓടെയാണ് അപകടം ഉണ്ടായത്. തോടനാൽ റോഡിൽ നിന്നും മെയിൻ റോഡിലേയ്ക്ക് ഇറങ്ങി വന്ന ക്രെയിനിൻ്റെ സൂമിൽ ബസ്സിടിക്കുകയായിരുന്നു. അപകടത്തിൽ ആർക്കും പരിക്കില്ല. റോഡിൽ അരമണിക്കൂറോളം ഗതാഗത തടസം ഉണ്ടായി.
