20 February, 2026 10:52:42 AM
മുരിക്കുംപുഴയിൽ തൊഴിലാളികൾ തമ്മിൽ വാക്കുതർക്കം: തിരുവനന്തപുരം സ്വദേശി കൊല്ലപ്പെട്ടു
പാലാ: പാലാ മുരിക്കുംപുഴയിൽ സഹ പ്രവർത്തകൻ്റെ ചവിട്ടേറ്റ് തിരുവനന്തപുരം സ്വദേശിയായ കെട്ടിട നിർമ്മാണ തൊഴിലാളി കൊല്ലപ്പെട്ടു. കെട്ടിട നിർമ്മാണ തൊഴിലാളികൾ തമ്മിലുള്ള വാക്ക് തർക്കത്തെ തുടർന്ന് തിരുവനന്തപുരം സ്വദേശിയായ ഷാജി (45) യാണ് കൊല്ലപ്പെട്ടത്. ഒപ്പം താമസിച്ചിരുന്ന പ്രതി ശ്യാം പോലീസ് കസ്റ്റഡിയിൽ. ശ്യാം ഷാജിയുടെ നെഞ്ചിൽ ആവർത്തിച്ച് ചവിട്ടിയതാണ് മരണ കാരണം. മദ്യപിച്ചതിന് ശേഷമുള്ള തർക്കത്തെ തുടർന്നാണ് കൊലപാതകമെന്ന് പൊലീസ് പറഞ്ഞു.
