26 February, 2022 10:09:26 AM
ഇന്തോനേഷ്യയിലെ സുമാത്രയിൽ അതിശക്തമായ ഭൂചലനം; ഏഴു പേർ മരിച്ചു
ജക്കാര്‍ത്ത: ഇന്തോനേഷ്യയിലെ സുമാത്രയിൽ അതിശക്തമായ ഭൂചലനം. ഏഴുപേർ മരിച്ചു. 85 പേർക്കു പരിക്കേറ്റു. അയൽ രാജ്യങ്ങളായ മലേഷ്യയിലും സിംഗപ്പൂരിലും ചലനം അനുഭവപ്പെട്ടു. പടിഞ്ഞാറൻ സുമാത്രൻ പ്രവിശ്യയിലെ മലയോര പട്ടണമായ ബുകിട്ടിംഗിയിൽ അനുഭവപ്പെട്ട ഭൂചലനം 6.2 തീവ്രത രേഖപ്പെടുത്തിയതായി യുഎസ് ജിയോളജിക്കൽ സർവേ അറിയിച്ചു. സുനാമി ഭീഷണിയില്ലെങ്കിലും തുടർചലനങ്ങൾ ഉണ്ടായേക്കാമെന്ന മുന്നറിയിപ്പുണ്ട്. കൃത്യമായ നാശനഷ്ടം വിലയിരുത്തിയിട്ടില്ല.
