17 May, 2023 10:43:21 PM


പാലായിൽ കെഎസ്ആർടിസി ബസ് കയറി തമിഴ്നാട് സ്വദേശിക്ക് ദാരുണാന്ത്യം



പാലാ : പാലായിൽ കെഎസ്ആർടിസി ബസ് കയറി തമിഴ്നാട് സ്വദേശിക്ക് ദാരുണാന്ത്യം. തമിഴ്നാട് ഉശിലാംപെട്ടി ടീപുതുപ്പെട്ടി സ്വദേശി ഇരുളാണ്ടി മകൻ മഹാലിംഗം (രാജേഷ് - 32) ആണ് മരിച്ചത്. ബസ് സ്റ്റാൻഡിൽ നിന്ന് റോഡിലേക്ക് ഇറങ്ങുന്ന ഭാഗത്ത് ഇന്ന് രാത്രി 8.30ഓടെയായിരുന്നു അപകടം. ഈ ഭാഗത്ത് ഇരുട്ടായിരുന്നതിനാൽ അപകടം ആരും കണ്ടില്ല. മദ്യം കഴിച്ച് കിടക്കുകയാണെന്നാണ് സമീപത്തുള്ള ഓട്ടോറിക്ഷ തൊഴിലാളികൾ കരുതിയത്.

രക്തം വാർന്നൊഴുന്നത് കണ്ട് അവർ വിവരം പോലീസിൽ അറിയിക്കുകയായിരുന്നു. പോലീസെത്തിയാണ് ഇയാളെ ആശുപത്രിയിൽ എത്തിച്ചത്. മൃതദേഹം പാലാ ജനറൽ ആശുപത്രി മോർച്ചറിയിലേക്ക് മാറ്റി. തൊടുപുഴ ഉടുമ്പന്നൂർ കോഴിക്കടയിലെ തൊഴിലാളിണ് രാജേഷ്. അപകടമുണ്ടാക്കിയ ബസ് തിരിച്ചറിഞ്ഞിട്ടില്ല. പോലീസ് അന്വേഷണം ആരംഭിച്ചു.


Share this News Now:
  • Mail
  • Whatsapp whatsapp
Like(s): 5.4K