31 May, 2022 02:52:07 PM
മിക്സിംഗ് യൂണിറ്റ് വാഹനത്തിൽ നിന്ന് സിമന്‍റ് മിശ്രിതം റോഡിൽ പരന്നു; ഗതാഗതതടസം
കോട്ടയം: നഗരത്തിലൂടെ സഞ്ചരിച്ച കോൺക്രീറ്റ് മിക്സിങ് യൂണിറ്റ് വാഹനത്തിൽ നിന്ന് സിമന്‍റ് മിശ്രിതം റോഡിൽ പരന്നു. പുളിമൂട് ജംഗ്ഷൻ മുതൽ പഴയ ശീമാട്ടി റൗണ്ടാന ഭാഗം വരെയുള്ള റോഡിലാണ് കോൺക്രീറ്റ് മിശ്രിതം വാഹനത്തിൽ നിന്ന് വീണത്. ഇതോടെ കല്ലും, സിമൻ്റും പരന്ന് പിന്നാലെ എത്തിയ വാഹനങ്ങൾക്ക് യാത്രാ തടസം ഉണ്ടായി. വിവരം അറിഞ്ഞ് ഫയർഫോഴ്സ് അധികൃതരെത്തി റോഡ് കഴുകി വൃത്തിയാക്കി. സംഭവത്തെ തുടർന്ന് ടൗണിൽ ഗതാഗത തടസവും നേരിട്ടു.
