30 July, 2022 06:42:27 PM


റോഡരികില്‍ കിടന്ന ഓട്ടോറിക്ഷ മോഷ്ടിച്ച രണ്ട് പേര്‍ മുണ്ടക്കയത്ത് പിടിയില്‍



മുണ്ടക്കയം: ചോറ്റി നിർമലാരം ഭാഗത്ത് റോഡ് സൈഡിൽ പാർക്ക് ചെയ്തിരുന്ന ഓട്ടോറിക്ഷ മോഷണം പോയ സംഭവത്തില്‍ രണ്ട് പേര്‍ പിടിയില്‍. എരുമേലി പ്രൊപ്പോസ് കൊടിത്തോട്ടം ഭാഗത്ത് മലമ്പാറ വീട്ടിൽ കുട്ടപ്പൻ മകൻ സുനിൽകുമാർ (40), എരുമേലി വടക്ക് വില്ലേജിൽ, കരിനിലം കരയിൽ, പുലിക്കുന്ന് ഭാഗത്ത് പാറയ്ക്കൽ വീട്ടിൽ രാജൻ മകൻ രാജേഷ് എന്ന് വിളിക്കുന്ന ഷിജി (39) എന്നിവരെയാണ് മുണ്ടക്കയം പോലിസ് അറസ്റ്റ് ചെയ്തത്. കഴിഞ്ഞ ദിവസം പകൽ 10 മണിയോടുകൂടി ഇടക്കുന്നം പാറത്തോട് കുന്നുംഭാഗം വെളളാപ്പളളിയിൽ വീട്ടിൽ സജു രാജുവിന്‍റെ   ഓട്ടോറിക്ഷയാണ് പ്രതികള്‍ മോഷ്ടിച്ചത്.


കേസിലെ  പ്രതികളിലൊരാളായ സുനിൽകുമാറിനെ പോലിസ് സ്ഥലത്ത് വച്ചു തന്നെ പിടികുടി. മറ്റൊരു  പ്രതിയായ ഷിജി ഒളിവില്‍ പോവുകയും ചെയ്തു. ജില്ലാ പോലീസ് മേധാവി കെ. കാർത്തിക്കിന്‍റെ നേതൃത്വത്തില്‍ കാഞ്ഞിരപ്പളളി ഡി. വൈ.എസ്.പി.  എൻ. ബാബുക്കുട്ടൻ, മുണ്ടക്കയം എസ്.എച്ച്.ഓ ഷൈന്‍കുമാര്‍. സി പി ഓ മാരായ ജോഷി എം തോമസ്സ്, ജോൺസൺ എ. ജെ, രഞ്ജിത്ത് പി.റ്റി, ബിജി വി ജെ, റോബിൻ തോമസ്സ് എന്നിവരുള്‍പ്പെട്ട അന്വേഷണ സംഘമാണ് ഷിജിയെ പിടികുടിയത്. പ്രതികളെ കോടതിയില്‍ ഹാജരാക്കി റിമാന്‍റ് ചെയ്തു.



Share this News Now:
  • Mail
  • Whatsapp whatsapp
Like(s): 3.7K