10 May, 2023 05:09:39 PM
കോട്ടയം മെഡിക്കൽ കോളേജ് ആശുപത്രിയിൽ നഴ്സിന് നേരെ രോഗിയുടെ കൈയ്യേറ്റം
കോട്ടയം: കോട്ടയം മെഡിക്കൽ കോളേജ് ആശുപത്രിയിൽ നഴ്സിന് നേരെ രോഗിയുടെ കൈയ്യേറ്റം. താൽക്കാലിക ജീവനക്കാരിയായ നേഹാ ജോണിനാണ് മർദ്ദനമേറ്റത്. ന്യൂറോ വിഭാഗത്തിൽ ചികിത്സയിൽ കഴിയുന്ന രോഗിക്ക് കുത്തിവെയ്പ്പ് എടുക്കാൻ ശ്രമിക്കുമ്പോഴായിരുന്നു മർദ്ദനമേറ്റത്. ചൊവ്വാഴ്ച രാവിലെയാണ് സംഭവം നടന്നത്.
കൈക്ക് ഒടിവ് സംഭവിച്ച നേഹ ചികിത്സയിൽ. കുത്തിവെപ്പെടുക്കുന്നതിനിടെ രോഗി നഴ്സിന്‍റെ കൈപിടിച്ച് തിരിക്കുകയായിരുന്നു. രോഗി ചൊവ്വാഴ്ച ആശുപത്രി വിട്ടു.
