18 October, 2023 06:49:14 PM
മുക്കുപണ്ടം പണയം വെച്ച് പണം തട്ടിയ പേരൂർ സ്വദേശി പാലായില്‍ അറസ്റ്റിൽ
പാലാ: മുക്കുപണ്ടം പണയം വെച്ച് പണം തട്ടിയ കേസിലെ മുഖ്യസൂത്രധാരനെ പോലീസ് അറസ്റ്റ് ചെയ്തു. പേരൂർ തെള്ളകം വലിയവീട്ടിൽ ബുദ്ധൻ എന്ന് വിളിക്കുന്ന ബുദ്ധലാൽ (25) എന്നയാളെയാണ് പാലാ പോലീസ് അറസ്റ്റ് ചെയ്തത്. പാലായിലുള്ള സ്വകാര്യ പണമിടപാട് സ്ഥാപനത്തിൽ മുക്കുപണ്ടം പണയം വച്ച് ഒരു ലക്ഷം രൂപ തട്ടിയെടുത്ത കേസിലെ മുഖ്യസൂത്രധാരൻ ഇയാളായിരുന്നു. ഈ കേസിലെ മറ്റ് പ്രതികളായ അഖിൽ, റെയ്സൻ ബാബു, ശ്രീജ എന്നിവരെ പാലാ പോലീസ് നേരത്തെ അറസ്റ്റ് ചെയ്ത് റിമാൻഡ് ചെയ്തിരുന്നു. പാലാ സ്റ്റേഷൻ എസ്.ഐ ബിനു വി. എൽ, എ.എസ്.ഐ ബിജു. കെ.തോമസ്, സി.പി.ഓ മാരായ ജസ്റ്റിൻ ജോസഫ്, ശ്രീജേഷ് എന്നിവർ ചേർന്നാണ് ഇയാളെ അറസ്റ്റ് ചെയ്തത്. ഇയാൾ ഏറ്റുമാനൂർ, ഗാന്ധിനഗർ, ചങ്ങനാശ്ശേരി, കോട്ടയം വെസ്റ്റ് എന്നീ സ്റ്റേഷനുകളിൽ ക്രിമിനൽ കേസുകളിലെ പ്രതിയാണ്. ഇയാളെ കോടതിയിൽ ഹാജരാക്കി.
