07 July, 2025 07:56:13 PM
ചങ്ങനാശ്ശേരിയിൽ ലോറിയുടെ ടയര്‍ മാറ്റുന്നതിനിടയില്‍ ഹൈഡ്രോളിക് ജാക്കി വൈദ്യുതി ലൈനില്‍ തട്ടി; യുവാവ് മരിച്ചു
ചങ്ങനാശ്ശേരി: ചങ്ങനാശ്ശേരിയിൽ ടിപ്പർ ലോറിയുടെ ടയർ മാറുന്നതിനിടയിൽ ടിപ്പറിന്റെ ഹൈഡ്രോളിക് ജാക്കി വൈദ്യുതി ലൈനിൽ തട്ടി യുവാവിന് ദാരുണാന്ത്യം. മാമ്പുഴക്കേരി നെടിയകാലപറമ്പിൽ രാജുവിൻ്റെയും സാൻ്റിയുടെയും മകൻ സിജോ രാജുവാണ് മരിച്ചത്.
ചങ്ങനാശ്ശേരി ബൈപ്പാസിൽ സൗപർണിക ഫ്ലാറ്റിന് സമീപം രാവിലെ 10: 30 ഓടെയാണ് അപകടം ഉണ്ടായത്. ഷോക്കേറ്റ ഉടനെ സിജോയെ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കഴിഞ്ഞ 10 വർഷമായി സിജോ ഈ സ്ഥാപനത്തിൽ ജോലി ചെയ്തു വരികയായിരുന്നു. ഷിജോ ,സിൻ്റോ സഹോദരങ്ങളാണ്. ചങ്ങനാശ്ശേരി പോലീസ് സ്ഥലത്തെത്തി തുടർനടപടികൾ സ്വീകരിച്ചു.
