21 July, 2025 06:39:45 PM
ചങ്ങനാശേരിയിൽ നിയന്ത്രണം വിട്ട കാർ കടയിലേക്ക് പാഞ്ഞു കയറി അപകടം
ചങ്ങനാശേരി: ചങ്ങനാശേരി പെരുന്തുരുത്തി ബൈപാസ് റോഡിൽ കാർ കടയിലേക്ക് പാഞ്ഞു കയറി അപകടം. നാലുകോടി ജംക്‌ഷനു സമീപമാണ് നിയന്ത്രണം നഷ്ടമായ കാർ കടയിലേക്ക് പാഞ്ഞു കയറിയത്. മറ്റ് കാറുകളും അപകടത്തിൽ പെട്ടു. ഇന്ന് ഉച്ചയ്ക്ക് 1നാണ് അപകടം. തിരുവല്ല ഭാഗത്ത് നിന്നു വന്ന കാർ എതിരേ വന്നകാറിലേക്ക് ആദ്യം ഇടിച്ചതിന് ശേഷം സമീപത്ത് പാർക്ക് ചെയ്ത കാറിലേക്കും ഇടിച്ചു, തുടർന്ന് സമീപത്തെ ഫർണിച്ചർ സ്ഥാപനത്തിലേക്ക് ഇടിച്ചു കയറുകയായിരുന്നു. അപകടത്തിൽ ആർക്കും പരിക്കില്ല. കടയിൽ ആളില്ലാത്തതിനാൽ ഉടമയും ജീവനക്കാരും രക്ഷപ്പെട്ടു.
