26 December, 2025 12:23:53 PM
ടോമി കുരുവിള ഏറ്റുമാനൂർ നഗരസഭ ചെയർമാൻ
ഏറ്റുമാനൂർ: ഏറ്റുമാനൂർ നഗരസഭാ ചെയർമാനായി കോൺഗ്രസ് (ഐ) നേതാവ് ടോമി കുരുവിള തിരഞ്ഞെടുക്കപ്പെട്ടു. നഗരസഭ രൂപീകൃതമായ ശേഷം മൂന്നാം തവണയും കൗൺസിലറായി തിരഞ്ഞെടുക്കപ്പെട്ട ടോമി ഇക്കുറി വാർഡ് 26 (കാരിത്താസ്)ൽ നിന്നുമാണ് ജയിച്ചത്.
ഇന്ന് രാവിലെ നടന്ന തിരഞ്ഞെടുപ്പിൽ മൂന്ന് മുന്നണികളിൽ നിന്നായി 3 പേരാണ് ചെയർമാൻ സ്ഥാനത്തേക്ക് മത്സരിച്ചത്. 36 കൗൺസിലർമാരിൽ 21 വോട്ട് ടോമിക്ക് ലഭിച്ചു. എൽഡിഎഫിൽ നിന്നും മത്സരിച്ച ഈ എസ് ബിജുവിന് (സിപിഎം) 6 വോട്ടും ബിജെപി പ്രതിനിധി വേണുഗോപാലിന് 7 വോട്ടും ലഭിച്ചു. സ്വതന്ത്രരായി ജയിച്ച 2 പേർ വോട്ട് അസാധുവാക്കി.
വൈസ് ചെയർ പേഴ്സൺ തിരഞ്ഞെടുപ്പ് ഇന്ന് ഉച്ചക്ക് ശേഷം നടക്കും. ഒന്നാം വാർഡിൽ നിന്നും ജയിച്ച കോൺഗ്രസ് പ്രതിനിധി പുഷ്പകുമാരിയാണ് യുഡിഎഫിൻ്റെ വൈസ് ചെയർ പേഴ്സൺ സ്ഥാനാർഥി.
